बीड : येथील दीनदयाळ नागरी सहकारी बँकेच्या १७व्या शाखेचे उद्घाटन पंकजा मुंडे यांच्या हस्ते पार पडले. ‘बँकेच्या माध्यमातून दीनदयाळ उपाध्याय यांचे अंत्योदयाचे विचार पुढे नेण्यासाठी आम्ही काम करत आहोत. ही बँक जनसामान्यांच्या मदतीसाठी तत्पर असेल,’ असे सांगून पंकजा मुंडे यांनी बँकेच्या प्रगतीबद्दल सर्व संचालक मंडळाचे अभिनंदन केले.
या वेळी कार्यक्रमाला धुंडीराजशास्त्री पाटांगणकर, रा. स्व. संघाचे प्रांत संघचालक श्री. पवार, संगीता ठोंबरे, आर. टी. देशमुख, जिल्हा परिषद अध्यक्षा सविता गोल्हार, नगराध्यक्ष भारत भूषण क्षीरसागर आदी उपस्थित होते. कार्यक्रमामध्ये चेअरमन शरयू हेबाळकर, उपाध्यक्ष विजयकुमार कोपले यांनी सर्वांचे स्वागत केले.
